Monthly Archives: જૂન, 2010

ફૂલો હું ઉછેરું

થશે ત્યાં આભ સપનાનું પછી કેવું અનેરું,
કે, તારી આંખમાં જો આંખ હું મારી ઉમેરું.

પવનને પણ કહ્યું છે મેં, ઘડીભર થોભવાનું,
મળ્યું છે ક્યાં હજી આ રેતમાં એનું પગેરું ?

તું આપે કે ન આપે એ તો તારી મરજી ઈશ્વર !
હું બાધા રોજ લઇને, રોજ શ્રીફળ નહીં વધેરું.

ભલેને તું મને માને છે કરવત, કાષ્ટ છું હું,
હું ખુદ વ્હેરાઉં છું ત્યાં અન્યને શી રીતે વ્હેરું ?

જગતને છોડતાં પ્હેલાં, હજી ઈચ્છા છે મારી,
બધાં કાંટાની વચ્ચે થોડાં ફૂલો હું ઉછેરું.

સુનીલ શાહ