Monthly Archives: નવેમ્બર, 2011

ક્યાં હતું..?

દીપમાં અજવાસ જેવું ક્યાં હતું ?
રોશનીમાં પ્રાસ જેવું ક્યાં હતું ?

બે જણા પાછા મળ્યા, પાછા લડ્યા,
વાતમાં ઇતિહાસ જેવું ક્યાં હતું ?

શી રીતે અવસર અહીં ઉત્સવ થશે,
ભીતરે ઉલ્લાસ જેવું ક્યાં હતું ?

એટલે નોખાં છે વર્તુળ સૌનાં અહીં,
એક સરખા વ્યાસ જેવું ક્યાં હતું ?

આભનો વિસ્તાર પણ ઓછો પડ્યો,
પાંખને સંન્યાસ જેવું ક્યાં હતું ?

સુનીલ શાહ

Advertisements