ના ગમે

મને એ જ ક્ષણ ઉમ્રભર ના ગમે,
રહું હુંય મારા વગર, ના ગમે.

હું ટોળામાં સામેલ તો થાઉં; પણ,
મને બેખબર રાહબર ના ગમે.

તમે કહો, તો સરનામું તો સાચું કહો !
રઝળવાનું આ દરબદર ના ગમે.

ન તકરાર છે, પ્યાર પણ જ્યાં નથી,
સતત મૌન હો એવું ઘર ના ગમે.

કહે, કે કઈ રીતે ચૂમી શકું ?
મને સાવ સુક્કા અધર ના ગમે.

બધુંયે બધે માપસરનું ગમે,
બધુંયે બધે માતબર ના ગમે.
સુનીલ શાહ

18 responses

  1. બહુ સરસ. ના ગમે એ ના જ ગમે, ગમે તેમ કરો તોયે ના ગમે.

    ન તકરાર છે, પ્યાર પણ જ્યાં નથી,
    સતત મૌન હો એવું ઘર ના ગમે.

    reality of the life.

  2. ગોવીંદ મારુ | Reply

    સાચી વાત છે ના ગમે એ ના જ ગમે.. ગમે તેમ કરો તોયે ના ગમે..

  3. હું ટોળામાં સામેલ તો થાઉં; પણ,
    મને બેખબર રાહબર ના ગમે.
    સુંદર
    પોતાના આ દુખથી બેખબર હોવાને કારણે જ તેઓ સૌથી સુખી …

  4. “બધુંયે બધે માપસરનું ગમે,
    બધુંયે બધે માતબર ના ગમે.,”

    બહુ જ સરસ!!

  5. પ્રણયસભર ટુંકી બહેરની ગઝલ.

  6. ન તકરાર છે, પ્યાર પણ જ્યાં નથી,
    સતત મૌન હો એવું ઘર ના ગમે…..સરસ… સારી ગઝલ…!!!

  7. સરસ ગઝલ…એકેએક શેર સરસ…

  8. ખૂબ જ સુંદર ગઝલ… મત્લાનો શેર અર્થસભર… છેલ્લો શેર પણ સુંદર.. જો કે ચુંબનવાળો શેર સપાટબયાનીથી આગળ વધી શકતો ન હોય એવું લાગ્યું.

  9. Chumban SUKKU Chhe, Pan Bakina Ser LILAA chhe !!

  10. હું ટોળામાં સામેલ તો થાઉં; પણ,
    મને બેખબર રાહબર ના ગમે.

    સરસ

  11. દિલીપ મોદી | Reply

    તગઝ્ઝુલથી સભર પ્રસ્તુત ગઝલ વાંચવાની/માણવાની ખૂ…બ જ મજા આવી, અને તેમાંયે મક્તાનો શે’ર તો ખરેખર અદભુત ! ધન્યવાદ.

  12. જાણીતી રદીફ વાપરીને કહેવાયેલી સુંદર ગઝલ.મક્તાનો શે’ર પણ સુંદર રહ્યો છે.

  13. nice gazal with very good makta..

  14. ન તકરાર છે, પ્યાર પણ જ્યાં નથી,
    સતત મૌન હો એવું ઘર ના ગમે.

    I like this expression very much.

  15. બધુંયે બધે માતબર ના ગમે.
    આવું વિચારે એ કવિ જ હોય . કેમ ભાઈ બધું માતબર ન ગમે?
    અને સીધે સીધું સરનામું આપે તો પછી તમને મજનુ બનવાની તક ન મળે ને !

  16. કહે, કે કઈ રીતે ચૂમી શકું ?
    મને સાવ સુક્કા અધર ના ગમે.

    vah vah

  17. nice…….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: