હૃદયથી માણવાના

દર્દભીનાં આંસુ શાને પાંપણે શણગારવાનાં ?
જેટલા શ્વાસો મળ્યા, એને હૃદયથી માણવાના.

જે હકીકતમાં કદી પહેરી શકો નહીં, જિંદગીભર,
આંખની ખીંટી ઉપર એ સ્વપ્ન શાને ટાંગવાનાં ?

રોજ મનની વ્હાલસોયી ડાળખી પર ફરફરે છે,
એ, સ્મરણનાં પાંદડાંને શી રીતે અટકાવવાનાં ?

અન્ય ભાષાને ભલે પંપાળવા નીકળી પડ્યા સહુ,
પણ, અમે તો ગુર્જરીમાં લાગણી કંડારવાના.

જો ! ગઝલનું ગાંડપણ કેવી દશા સર્જી રહ્યું છે,
મારું મન સોગંદ લે છે, દર્દને વિસ્તારવાના !

સુનીલ શાહ

9 responses

  1. અશોક જાની 'આનંદ' | Reply

    ખુબ સરસ રચના.. દરેક શે’ર ગમ્યા…

  2. સુંદર મજાની ગઝલ… લગભગ બધા જ શેર મજાના થયા છે… સ્મરણના પાંદડાને અટકાવવાવાળો શેર જરા ખટ્ક્યો…

    1. સુનીલ શાહ | Reply

      પ્રિય વિવેકભાઈ,
      એ સ્મરણના પાંદડાંને શી રીતે અટકાવવાનાં..?
      આ શેરમાં અટકાવવું શક્ય જ નથી એવો અર્થ અભિપ્રેત છે.
      આપે રસ અને ઝીણવટપૂર્વક ગઝલના શેર જોયા–માણ્યા એ બદલ હૃદયથી આભાર.

  3. દર્દભીનાં આંસુ શાને પાંપણે શણગારવાનાં ?
    જેટલા શ્વાસો મળ્યા, એને હૃદયથી માણવાના

    .સરસ શે’ર

  4. સુનીલભાઈ, મને પણ વિવેકકુમાર જેવો જ અર્થ દેખાયો– અટકાવવામાં

  5. સુનીલ શાહ | Reply

    જે હકીકતમાં કદી પહેરી શકો નહીં, જિંદગીભર,
    આંખની ખીંટી ઉપર એ સ્વપ્ન શાને ટાંગવાનાં ?
    વાહ સુનીલભાઈ, ક્યા બાત.

    ત્રીજા શેરમાં આમ કરો તો કેવું ….
    રોજ મનની વ્હાલસોયી ડાળખી પરથી ખરે છે,
    એ, સ્મરણનાં પાંદડાંને શી રીતે અટકાવવાનાં ?
    –દક્ષેશ કોન્ટ્રકટર (Via Email)

  6. Excellent Sunilbhai.🙂

  7. સામ્પ્રત સમયને અનુલક્ષીને કહેવાયેલી સુંદર ગઝલ

  8. લક્ષ્મી ડોબરિયા. | Reply

    રોજ મનની વ્હાલસોયી ડાળખી પર ફરફરે છે,
    એ, સ્મરણનાં પાંદડાંને શી રીતે અટકાવવાનાં ?
    મને આ શેરની માર્મિકતા સ્પર્શી….
    આંખની ખીંટી ઉપર સ્વપ્નને ટાંગવાની વાત પણ સરસ છે.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: